نظام أساسي واحد، وإضافات تفتحها لما تحتاجها
مفيش عمولة على المبيعات، ولا نسبة على التحصيل، ولا رسوم على كل أوردر.
شهر التجهيز
أول شهر معانا مش تجربة على نظام فاضي — بندخل معاك ونظبّط النظام على تشغيلك
- حسابك على قاعدة بيانات منفصلة ليك لوحدك — مش جدول في قاعدة مشتركة
- ربط متجر واحد وشركتين شحن من اللي بتشتغل بيهم — شاملة في الـ٣٬٠٠٠
- النقل من نظامك القديم: منتجاتك ومخزونك وتكاليفك — بأرقامها الصح
- تدريب فريقك على الشاشات اللي هيستخدموها هما بالذات
- فريق بيتابعك طول الشهر ويظبّط أي حاجة ناقصة
متجرك وشركات الشحن اللي بتشتغل بيها، وأول أوردر حقيقي بيدخل النظام قدامك.
المنتجات والمخزون والتكاليف والموردين — بأرقامها الصح، لأن كل تقرير ربح بعد كده بيعتمد عليها.
حساب وصلاحية لكل موظف، وتدريب كل قسم على الشاشات اللي هيستخدمها هو بالذات.
أوردر من التأكيد لحد التسوية، وتثبيت أي حاجة ناقصة قبل ما تنقل شغلك كله.
وبعد الشهر: لو كمّلت، الاشتراك ٧٬٠٠٠ ج/شهر. ولو مكمّلتش، تاخد بياناتك وخلاص.
من الشركات المربوطة عندنا بالفعل، فوق الاتنين اللي في التجهيز.
متجر تاني أو منصة تانية تدخّل أوردراتها على نفس الحساب.
بنبني ليها الربط من الأول: بوليصة وتتبّع وحالات وتسوية فلوس.
مفيش أقل منها ومفيش نسخة مجانية.
الاشتراك الشهري
النظام الأساسي
كل اللي فوق ده — تشغيل متجرك كامل من أول أوردر لآخر جنيه
- الستة أعمدة كاملة: الأوردرات · المخزن · الشحن والمرتجعات · الفلوس والتسوية · المشتريات · التقارير
- الاستضافة والتشغيل والنسخ الاحتياطي اليومي المشفّر مع نسخة خارج السيرفر
- فريق دعم بيقعد معاك يشوف إنت محتاج إيه ويظبّطه
- متابعة ربط متجرك وشركات الشحن وأي تعديل عليهم بعد التجهيز
- واتساب وتليجرام وتنبيهات شركات الشحن
كل إضافة بتفتح قسم كامل في شغلك
كل إضافة بتجاوب على سؤال واحد — لو ده وضعك افتحها.
المحاسبة الكاملة
الأساسي بيديك أرباحك. ده بيديك دفاتر محاسب يقدر يشتغل عليها ويسلّمها لمصلحة الضرايب — قيد مزدوج حقيقي بيتولّد من حركاتك، مش قيود بتدخّلها بإيدك.
- دليل حسابات ويومية وميزان مراجعة وقائمة دخل
- الإيراد بيتعرف عند التسليم مش عند الشحن (الصح في الدفع عند الاستلام)
- مطابقة الأستاذ بالتشغيل: أي فرق بيتفكّك لبنوده
- أعمار الديون وحدود الائتمان + أوراق القبض والدفع
- مراكز تكلفة وتعدد عملات ووحدات قياس
- الضرايب: احتساب وتقارير وقيود مظبوطة على الأوردرات
- إقفال الفترة: الشهر اللي قفلته محدش يعدّل فيه
اللوجستيات والشحن
الأساسي فيه الشحن والبوالص والتتبّع والمرتجعات. الإضافة دي لما تبقى شغّال مع كام شركة مع بعض أو عندك مناديبك — بتديك التحكم في الشحنة من ساعة ما تخرج لحد ما فلوسها تدخل. وأي شركة شحن بنربطها لك — عندها ربط جاهز أو لأ.
- تحويل أوردرات من شركة لشركة بضغطة: البوليصة القديمة بتتلغي وكود جديد بيتحجز
- سحب كشف التحصيل من شركة الشحن تلقائي وتطبيق المطابق والمرتجعات
- أسعار شحن حسب نوع الطلب (توصيل · استرجاع · استبدال) لكل منطقة
- تأكيد التسليم والاستلام يوميًا مع كل شركة، والناقص بيتسجّل كمشكلة ويتتابع
- طابور مشاكل الشحن: تأجيل · رفض · عنوان غلط — موظف ياخد البلاغ ويقفله بنتيجة
- تنبيهات فورية على تليجرام بالفرص اللي لسه ممكن تتنقذ
- تقرير شركات الشحن اليومي: مين أخد كام وسلّم كام ورجّع كام
- موثوقية العميل قبل ما تشحنله (سجله على شبكة بوسطة)
- شحن بمناديبك أنت: شركتك أو مناديبك بيتسجّلوا زي أي شركة — بوليصة وتسليم وحالات وتحصيل وتسوية فلوسهم
الموارد البشرية
كل حاجة تخص الموظف في مكان واحد: بيحضر إمتى، بياخد كام، إجازاته، مهامه، وتقييم شغله — ومرتبه بيتحسب من الحضور الفعلي مش من الذاكرة.
- حضور وانصراف بتسجيل فعلي
- المرتبات والبدلات والخصومات والسُلف
- الإجازات والأذونات ورصيد كل موظف
- الهيكل الوظيفي: مين تحت مين وكل واحد بيشوف إيه
- المهام وتوزيعها ومتابعة اللي اتعمل واللي اتأخر
- تقارير الفريق: إنتاجية كل موظف بالأرقام مش بالانطباع
- الشات الداخلي بالأقسام
التصنيع
لو بتصنّع — سواء مصنعك أو مصنع بيشتغل لك — ده بيحوّل الخامات لمنتج بتكلفة محسوبة، ويربط خط الإنتاج بالمخزن بتاعك.
- تركيبة المنتج: كل خامة وكميتها في القطعة الواحدة
- أوامر التشغيل ومتابعتها لحد التسليم
- التكلفة الحقيقية للقطعة المصنّعة (خامات + تشغيل)
- الخامات والتغليف كأصناف مخزون مش للبيع
- خصم الخامات من المخزن أول ما الإنتاج يتم
- ربط المصنع بالمخزن: الجاهز بيدخل متاح للبيع فورًا
الإضافة بتتفتح على حسابك في نفس اليوم، من غير نقل بيانات ولا توقف شغل — وتقدر تقفلها زي ما فتحتها.
ادفع مدة أطول، وفّر أكتر
مفيش التزام بمدة، والدفع شهر بشهر مافيهوش رسوم زيادة.
أسئلة عن الأسعار
لأ. بدل التجربة، بنقعد معاك ونشرحلك النظام هيشتغل عندك إزاي قبل ما تدفع جنيه.
لأ. ده شهر شغل قايم بذاته، والاشتراك ٧٬٠٠٠ بيبدأ من الشهر التاني. مفيش رسوم تانية ولا عقد سنة.
لأ. الاشتراك الشهري هو كل اللي بتدفعه. فلوسك بتدخل خزنتك أو حسابك مباشرة من شركة الشحن — إحنا مابنمرش عليها.
بتفضل موجودة ومش بتتمسح مع انتهاء الاشتراك، والحساب بيدخل فترة قراءة فقط قبل أي إغلاق. وتقدر تطلب تصدير بياناتك.
مش عارف تحتاج إيه منهم؟
قوللنا حجم أوردراتك وشركات الشحن اللي بتشتغل بيها وشكل فريقك، ونقولك تبدأ بإيه — وإيه اللي تستنى عليه.